லண்டன் சென்றுள்ள எதிர்கட்சித் தலைவர் ரணில் விக்ரமசிங்க பொதுநலவாய நாடுகள் அமைப்பின் செயலாளர் நாயகம் கமலேஸ் சர்மாவை சந்தித்து கலந்துரையாடவுள்ளதாக எதிர்கட்சித் தலைவர் அலுவலகம் தெரிவித்துள்ளது.
இந்த சந்திப்பானது இன்று லண்டனில் இடம்பெறவுள்ளதாக தெரிவிக்கப்படுகிறது.
இந்த சந்திப்பின் போது பொதுநலவாய நாடுகளின் திட்டங்கள் குறித்து விரிவாக கலந்துரையாடப்படும் என தெரியவருகிறது.
பொதுநலவாய நாடுகளின் 57ஆவது கூட்டத்தொடரில் கலந்துகொள்ளவுள்ள எதிர்கட்சித் தலைவர் ரணில் விக்ரமசிங்க பிரித்தானிய வெளிவிவகார அமைச்சர் லியாம் பொக்ஸ் உள்ளிட்ட அரச அதிகாரிகளை சந்தித்து கலந்துரையாடவுள்ளதாக தெரிவிக்கப்பட்டுள்ளது.
இதேவேளை, ஐக்கிய தேசிய கட்சியின் வெளிவிவகார தொடர்பு செயலாளர் சாகல ரட்நாயக்க மற்றும் பொருளாலர் செனரத் கப்புகொட்டுவ ஆகியோரும் லண்டன் சென்றுள்ளதோடு, உயர்மட்ட அதிகாரிகளுடன் பேச்சுவார்த்தை நடத்தவுள்ளனர்.
கருத்துகள் இல்லை:
கருத்துரையிடுக