அமெரிக்காவின் புளோரிடா மாநில பல்கலைக்கழக விலங்கியல் துறை ஆராய்ச்சியாளர்கள் ஸ்டீபன் தலைமையில் பிலிப்பைன்சின் லூசான் பகுதியில் தீவிர ஆய்வு மேற்கொண்டு வருகின்றனர்.
இங்குள்ள காடுகளை சுற்றி பல்வேறு உயிரினங்கள் பற்றிய தகவல்களை திரட்டி வருகின்றனர். இவர்களது ஆய்வில் 7 அரிய வகை எலிகள் அடையாளம் காணப்பட்டுள்ளது. மற்ற எலிகளைவிட இவற்றின் ஜீன்கள் வித்தியாசமாக இருப்பதாக ஆய்வில் தெரியவந்துள்ளது.
இதுபற்றி விஞ்ஞானிகள் மேலும் கூறுகையில்,"இந்த எலிகள் பெரும்பாலும் காடுகளில் வாழ்பவை. ஜீனஸ் அபோமிஸ் என்பது இவற்றின் விலங்கியல் பெயர். பல லட்சம் ஆண்டுகளுக்கு முன்பே இவை தோன்றியுள்ளன" என்றனர்.
இயற்கைச்சூழல் பாதுகாக்கப்படும் இடங்களில் இத்தகைய உயிரினங்கள் அதிகம் இருக்கும் என்பதால் பிலிப்பைன்சில் மேலும் பல்வேறு அரிய உயிரினங்கள் இருக்கலாம் என்று விஞ்ஞானிகள் கருதுகின்றனர். அங்கு தொடர்ந்து ஆய்வு நடத்தி வருகின்றனர்.
கருத்துகள் இல்லை:
கருத்துரையிடுக