ரூ.35 கோடி பட்ஜெட்டில் அஜித் நடிக்கும் 'பில்லா-2' படம் நேற்று தொடங்கியது.
சக்ரி டோலட்டி இயக்கும் இந்த படம், முன்பு வெளியாகி வெற்றி பெற்ற 'பில்லா' படத்துக்கு முந்தைய கதையமைப்பைக் கொண்டதாகும்.
ஹைதராபாதில் உள்ள ராமோஜிராவ் பிலிம் சிட்டியில் நேற்று ஆர்ப்பாட்டமில்லாமல் படப்பிடிப்பு தொடங்கியது.
முதல் நாள் படப்பிடிப்பில் அஜித், நாயகி ஹுயூமா குரேஷி உள்ளிட்டோர் பங்கேற்றனர்.
ரூ.35 கோடி செலவில் இந்துஜா குழுமம் மற்றும் வைட் ஆங்கில பிலிம்ஸ் தயாரிக்கும் இந்தப் படத்தின் முதல்கட்டப் படப்பிடிப்பு ஹைதராபாத் மற்றும் கோவா ஆகிய பகுதிகளில் நடக்கிறது.
பாடல் காட்சிகளுக்காக வழக்கம் போல வெளிநாடு செல்ல திட்டமிட்டுள்ளனர்.
'மதராசபட்டினம்' புகழ் செல்வகுமார் கலையை கவனிக்க, யுவன்சங்கர் ராஜா இசையமைக்கிறார்.
ஏப்ரல் 2012ல் இந்தப் படம் வெளியாகும் என்கிறார்கள்.
அஜித்தின் பொன்விழாப் படமான 'மங்காத்தா' அடுத்த மாதம் வெளியாகிறது.
கருத்துகள் இல்லை:
கருத்துரையிடுக